 |  هه‌وکردنی پڕۆستات بریتیه له هه‌وکردنی ڕژێنی پڕۆستات، ئه‌و ڕژێنه‌ی که ده‌که‌وێته ژێر
میزڵدانی ڕه‌گه‌زی نێر. ڕژێنی پڕۆستات شله‌یه‌ک دروست ده‌کات که خۆراک ده‌دات به
تۆوی و هه‌روه‌ها یارمه‌تی گواستنه‌وه‌شی ده‌دات. هه‌وکردنی پڕۆستات چه‌ندین
نیشانه‌ی جۆراو جۆر له‌خۆ ده‌گرێت، وه‌ک زۆر میزکردن، پێویستی به‌په‌له‌ی میزکردن،
ئازار و سووتانه‌وه له کاتی میز کردن، زۆربه‌ی جار ژانی ئێسکی حه‌وز یاخود ژانه
پشتی له‌گه‌ڵ ده‌بێت. به‌گشتی 3 جۆری هه‌یه؛ هه‌وکردنی له‌ناکاوی (ماوه کورت) به‌کتریایی هه‌وکردنی درێژخایه‌نی به‌کتریایی هه‌وکردنی درێژخایه‌نی نابه‌کتریایی نیشانه‌کانی؛ نیشانه‌کانی ده‌وستێته سه‌ر جۆری هه‌وکردنه‌که؛ هه‌وکردنی له‌ناکاوی به‌کتریایی "ماوه کورت"؛ تا و له‌رز، ئازر له خواروی پشت یاخود حه‌وز،
کێشه‌ی میزکردن، ده‌رپه‌ڕینی تۆو به ئازار له کاتی جووت بوون. هه‌وکردنی دێژخایه‌نی به‌کتریایی؛ نشانه‌کانی ئه‌م جۆره له‌سه‌رخۆ ده‌ست پێده‌کات
و به‌زۆری زۆر توند نیه، به‌ڵام له‌گه‌ڵ به‌سه‌رچوونی کات نیشانه‌کان خراپتر ده‌بن.
نیشانه‌کان بریتین له؛ زۆر میز کردن و پێویست به‌په‌له‌ی میزکردن، ئازار له کاتی
میز کردن، ئازار له ناوچه‌ی حه‌وز، زۆر میز کردن له کاتی شه‌ودا، ئازار له به‌شی
خواره‌وه‌ی پشت یاخود له ناوچه‌ی ئه‌ندامی زاوزێ، میزکردن به گرانی، هه‌ندێک جار
خوێن له‌گه‌ڵ میز یاخود تۆو ده‌رده‌چێت له کاتی جووتبوون، ده‌رچوونی تۆو به
ئازار له کاتی جووت بوون، تایه‌کی که‌م، زۆر هه‌وکردنی میزڵدان. هه‌وکردنی درێژخایه‌نی نابه‌کتریایی؛ به‌نزیکه‌یی وه‌ک جۆری درێژخایه‌نی به‌کتریایییه،
به‌ڵام تای له‌گه‌ڵ نیه. هۆکاره‌کانی تووشبوون؛ به‌گشتی هۆکاره‌ی هه‌وکردنی
پڕۆستات بریتیه له تووشبوون به به‌کتریا. هۆکاری مه‌ترسیدار بۆ تووشبوون؛ به پێچه‌وانه‌ی کێشه‌کانی تری پڕۆستات، هه‌وکردنی پرۆستات له که‌سانی گه‌نج
زیاتر ڕووده‌دات (ته‌مه‌نی خوار 40 ساڵی)، جگه له ته‌مه‌ن چه‌ند هۆکارێکی مه‌ترسیداری
تریش هه‌ن وه‌ک؛ هه‌وکردنی میزڵدان. دانانی سۆنده‌ی میز. به‌تاڵ نه‌کردنی میزڵدان له میز به‌شێوه‌ی ته‌واو و پێویست. ئه‌و که‌سانه‌ی تووشی ئایدز بووینه زیاتر له مه‌ترسی تووشبوونی هه‌وکردنی
پڕۆستاتن. که‌ی سه‌ردانی پزیشک بکرێت؟ هه‌رکاتێک هه‌ریه‌ک له نیشانه‌کانی هه‌وکردنی پڕۆستاتت هه‌بوو ئه‌وا
پێویسته سه‌ردانی پزیشک بکه‌یت، به تایبه‌تی ئه‌گه‌ر نیشانه‌کان له ناکاو ده‌رچوون.
ئه‌گه‌ر چاره‌سه‌ری ته‌واو وه‌رنه‌گریت له کاتی زوودا، ئه‌وا هه‌وکردن بڵاو ده‌بێته‌وه
له ته‌واوی جه‌سته‌ت. ئه‌گه‌ر تۆ چاره‌سه‌ریت وه‌رگرت ، پێویست دوای ته‌واوی
کردنی کۆرسی ده‌رمانه‌کانت سه‌ردانی پزیشک بکه‌یه‌وه بۆ ئه‌وه‌ی دڵنیا بیت که هه‌وکردن
نه‌ماوه به ته‌واوی. ئاڵۆزیه‌کانی؛ هه‌وکردنی پڕستات ده‌بێته هۆی زیاد کردنی ئاستی مادده‌ی پی ئێس ئه‌ی، پی
ئێس ئه‌ی بریتیه له مادده‌یه‌ک که له ڕژێنی پڕستات ده‌رده‌چێت، به‌رزبوونه‌وه‌ی
ئاستی ئه‌م مادده‌یه له خوێن له‌وانه‌یه
هه‌ندێک جار (به‌ڵام هه‌موو جارێک نا) نیشانه‌ی شێره‌په‌نجه‌ی پڕۆستات بێت. بۆ ئه‌م
مه‌به‌سته ئه‌گه‌ر تۆ ئاستی مادده‌ی پی ئێس ئه‌یت به‌رزبوو و هه‌وکردنی
پڕۆستاتیشت هه‌بوو ئه‌وا پێویسته خۆت بپشکنیه‌وه دوای ئه‌وه‌ی کۆڕسی ده‌رمانت به‌ته‌واوی
وه‌رگرت. یه‌کێک له ئاڵۆزیه‌کانی تر، له‌وانه‌یه ببێته نه‌زۆکی. هه‌روه‌ها ئه‌گه‌ر
چاره نه‌کرێت ئه‌وا ده‌بێت هۆی ڕێگرتن له میز کردن که ئه‌میش ده‌رئه‌نجامی
خراپی لێده‌که‌وێته‌وه. خۆپاراستن؛ زۆر ئاو بخۆره‌وه. کحول مه‌خۆره‌وه یاخود که‌م بکره‌وه، خۆراکی تیژ مه‌خۆ. میز له ماوه‌ی ڕێک و پێک بکه. چاڵاکی جنسیت ڕێک و پێک بێت.
|
|
|
پزیشک
بۆ هه‌مووان www.pzishk.com مافی له‌به‌ر گرتنه‌وه‌ی پارێزراوه 2009©
