 | سه‌نته‌ری نه‌خۆشیه‌کانی هه‌وکردنی کاتی
بۆشاییه هه‌وایه‌کانی ده‌وروبه‌ری لووت "إلتهاب الجیوب" له هه‌وکردنی کاتی، بۆشایه‌کانی ده‌وروبه‌ری ڕێڕه‌وی لووت هه‌وده‌بن و ئه‌ستورده‌بن.
ئه‌مه کارده‌کاته سه‌ر ده‌رچوونی ئه‌و لیجه مادده‌یه‌ی که دروستی ده‌که‌ن. له هه‌وکردنی کاتی بۆشایه‌کان، هه‌ناسه‌دان به که‌پوو گران ده‌بێت. ده‌وردوبه‌ری
چاوه‌کان و ڕووخسار ئه‌ستورده‌بن، له‌وانه‌یه تۆ ئازاری ده‌م و چاو و که‌له‌ی سه‌رت
هه‌بێت (ده‌م و چاو و که‌له‌ی سه‌ر وه‌ک لێدانی دڵی لێده‌دات). زۆربه‌ی جار هه‌وکردنی کاتی بۆشاییه هه‌وایه‌کان له ئه‌نجامی هه‌ڵامه‌ته‌وه
ده‌بێت، به‌ڵام ده‌کرێت هۆکاره‌که‌ی به‌کتریا، که‌ڕوو یاخود هه‌ستیاری بێت
(حساسیة). چاره‌سه‌ریشی ده‌وه‌ستێته سه‌ر هۆکاری تووشبوونی. له زۆربه‌ری باره‌کان
چاره‌سه‌ری له ماڵه‌وه به‌سه، به‌ڵام له‌گه‌ڵ ئه‌مه‌ش هه‌وکردنی بۆشاییه هه‌وایه‌کان
بۆ ماوه‌یه‌کی به‌رده‌وام ئاڵۆزی خراپی لێده‌که‌وێته‌وه. ئه‌گه‌ر هه‌وکردنی
بۆشاییه هه‌وایه‌کان له 8 هه‌فته زیاتری خایه‌ن ئه‌وا به هه‌وکردنی درێژخایه‌نی
داده‌ندرێت. نیشانه‌کانی؛ ده‌رچوونی کێم و شله که‌پوو، یاخود چوونه خواره‌وه له پشته‌وه‌ی زمان
بۆ ناو گه‌روو. گیرانی ڕێڕه‌وی که‌پوو. ئازار و ئه‌ستوربوون له ده‌وردی ده‌م و چاو و نێوچه‌وان. ئازار له ددانه‌کانی به‌شی سه‌ره‌وه‌ی چه‌نگه. که‌م بوونه‌وه‌ی هه‌ستی بۆنکردن. کۆخه هه‌ندێک جار ده‌بێته هۆی؛ ئازار له گوێیه‌کان. ئازار له گه‌روو. شه‌که‌تی. تا، هێلنج. که‌ی سه‌ردانی پزیشک بکرێت؟ ئه‌گه‌ر نیشانه‌کان به‌م شێوه‌یه بوو؛ باش نه‌بوون دوای جه‌ند ڕۆژێك، پله‌ی
گه‌رمی به‌رزتر له 38.1 سلس، یاخود ئه‌گه‌ر مێژووی زۆر تووشبوون به هه‌وکردنی
بۆشایه‌کانت هه‌بێت. هه‌روه‌ها ئه‌گه‌ر ئه‌م نیشانانه‌ت هه‌بوو ئه‌وا کت و پڕ سه‌ردانی پزشک بکه؛ ئازار یاخود ئه‌ستووربوون له‌ده‌وروبه‌ری چاوه‌کان. ئه‌ستووربوونی نێوچه‌وان. گێژبوون. خێل بوون. ڕه‌قبوونی مل. ته‌نگه‌نه‌فه‌سی. هۆیه‌کانی تووشبوون؛ تووشبوون به ڤایرۆس، زۆربه‌ی جاره‌کان هۆیه‌که‌ی هه‌ڵامه‌ته. تووشبوون به به‌کتریا. تووشبوون به که‌ڕوو. هه‌ندێک باری تایبه‌ت به که‌پوو مه‌ترسی تووشبوون زیاد ده‌که‌ن، وه‌ک
خواری دیواری که‌پوو، یاخود هه‌بوونی گرێ له‌ناو بۆشایی که‌پوو..هتد. ئالۆزیه‌کانی؛ له‌وانیه ببێته هه‌وکردنی درێژخایه‌نی بۆشاییه هه‌وایه‌کان. هه‌وکردنی په‌ردی ده‌ماغی. کێشه‌ی بینین. هه‌ندێک جار له‌و که‌سانه‌ی که ڕه‌بوویان هه‌یه ده‌بێته هۆی بزواندنی
نۆره‌ی ڕه‌بووی. هه‌ندێک جار ده‌بێته هۆی هه‌وکردنی گوێیه‌کان. چاره‌سه‌ری له ماڵه‌وه؛ پشووه‌کی ته‌واو بده. بڕێک زۆر له شله بخۆره‌وه، به‌ڵام خۆت دووربگره له خواردنه‌وه‌ی ئه‌و
شله‌مه‌نیانه‌ی که کافاین و کحولیان تێدایه. هه‌ڵمژینی هه‌ڵم؛ مه‌نجه‌ڵێک ئاو بخره سه‌ر ئاگر، پاشان هه‌ڵمی ئاوه‌که
هه‌ڵمژه. خاولیه‌کی گه‌رم بخه‌ره سه‌ر ده‌م و جاوت. له کاتی نووست سه‌رت بڵند بکه. خۆپاراستن؛ خۆت بپارێزه له هه‌ڵامه‌ت. ئه‌گه‌ر هه‌ستیاریت هه‌یه "حساسیة" ئه‌وا پێویسته چاره‌سه‌ری
ته‌واو وه‌ربگریت له‌لاین پزیشک پسپۆڕ. جگه‌ره مه‌کێشه. |
|
|
