بگه‌ڕێ له‌ سایتی پزیشک بۆ هه‌موان

       

    

 لێکۆڵینه‌وه‌یه‌ک ده‌ری ده‌خات ژماردنی گه‌رمۆکی خۆراکی خوراو سه‌رکه‌وتووترین ڕێگای پارێزی کردنه‌

ئه‌م هه‌فته‌یه‌ لێکۆڵینه‌وه‌یه‌کی نوێ ده‌رچوو، چوار له‌ جۆری بڵاوی پلانی پارێزی به‌راورد کرد. ئه‌وه‌ی لێکۆڵینه‌وه‌که‌ دۆزیه‌وه‌ بریتی بوو له‌وه‌ی که‌ جۆری خۆراک گرنگ نیه‌، ئه‌وه‌ی گرنگه‌ بۆ سه‌رکه‌وتن له‌ پارێزی خۆراک بریتییه‌ له‌ ژماردنی گه‌رمۆکه‌ی "کالۆری" خۆراکه‌ی خوراو و که‌م خواردن.

 هه‌ینی.27ی فێبروه‌ری 2009

 لێکۆڵینه‌وه‌که‌ به‌ئه‌نجام گه‌یندرا له‌ قوتابخانه‌ی هارڤه‌ڕد بۆ ته‌ندروستی گشتی، لێکۆڵینه‌وه‌که‌ تیشکی خسته‌ سه‌ر 811 که‌سی کێش زیاد له‌ دوو شاری جیاواز، له‌ 40% که‌سه‌کان پیاو و 60% ئافره‌ت بوون.

ئه‌و که‌سانه‌ی که‌ به‌ژدار بوون له‌ لێکۆڵینه‌وه‌که‌ داوایان لێکرا جۆرێک خۆراک هه‌ڵبژێرن له‌ چوار جۆر؛ که‌م چه‌وری-پڕۆتین مامناوندی، که‌م چه‌وری-پڕۆتین زۆر، زۆر چه‌وری-پڕۆتین مامناوه‌ندی، زۆر چه‌وری-زۆر پڕۆتین.

مه‌به‌ست له‌مه‌ بریتی بوو له‌وه‌ی بزانن چ جۆره‌ خواردنێک به‌ باشترین شێوه‌ یارمه‌تی دابه‌زاندنی کێش ده‌دات. هه‌روه‌ها که‌سه‌کان داوایان لێکرابوو وه‌رزش بکه‌ن، هه‌فتانه‌ 90 خوله‌ک.

دوای ماوه‌ی 6 مانگ، تێکڕای دابه‌زاندنی کێش به‌ نزیکه‌یی بریتی بوو له‌ 6 کیلۆگرام.

به‌ڵام ئه‌وه‌ی جێگایی سه‌رنج بوو ئه‌وانه‌ی که‌ پارێزیان نه‌ده‌کرد له‌ جۆری خۆراک باشتر کێشیان دابه‌زاندبوو له‌وانی تر!

ئه‌مه‌ مانایی ئه‌وه‌یه‌ کلیلی سه‌رکه‌وتن له‌ پارێزی بریتیه‌ له‌ که‌م خواردن و ژماردنی گه‌رمۆکه‌ی خواردنی خوراو، به‌ڵام گرنگ نیه‌ چ جۆره‌ خۆراکێک هه‌ڵده‌بژێریت.

لێکۆڵینه‌وه‌که‌ بڵاوکرایه‌وه‌ له‌ گۆڤاری نیو ئینگلاندنی پزیشکی.

  -------------------------------------------------------------------------------------------

    

    

ڕێبه‌ری ته‌ندروستی له‌ هه‌رێمی کوردستان
ببه‌خشه‌
پرسیارکردن
ئه‌لف و بێ ی ته‌ندروستی

پزیشک بۆ هه‌مووان www.pzishk.com  مافی له‌به‌ر گرتنه‌وه‌ی پارێزراوه‌ 2009©

Make a Free Website with Yola.