 |
ڕۆژی چوارشه‌مه 9/9 له شاری سلێمانی، راگه‌یاندنی
وه‌زاره‌تی ته‌ندروستی به هاوکاری
رێکخراوی یونیسێف له ژێر دروشمی په‌تای ئه‌نفله‌وه‌نزای به‌راز هه‌ڕه‌شه‌یه‌کی
راسته‌قینه‌یه، وۆڕکشۆپێكی بۆ رۆژنامه‌نووسانی که‌ناڵه‌کانی راگه‌یاندن ساز کرد
بۆ ئه‌وه‌ی له رێگای که‌ناڵه‌کانی راگه‌یاندنه‌وه خه‌ڵک ئاگاداربکرێته‌ه‌وه له
چۆنیته‌تی خۆپاراستن له‌و په‌تایه. لێپرسراوی راگه‌یاندنی وه‌زاره‌تی ته‌ندروستی د.
خالص ئه‌حمه‌د ئاماژه‌ی به‌وه‌دا که تاکو ئێستا 172 حاڵه‌ت راگه‌یندراوه له هه‌موو
عێراق و ته‌نها یه‌ک که‌س به‌هۆیه‌وه مردووه، ده‌رباره‌ی هه‌رێمی کوردستانیش جه‌ختی
له‌وه کردوه که تا ئێستا 11 حاڵه‌ت تۆمار کراوه، هه‌روه‌ها وتیشی سه‌رجه‌م
تووشبووان ئه‌و که‌سانه بوون که له ده‌ره‌ه‌وی هه‌رێم گه‌ڕاونه‌ته‌ه‌وه و 8 که‌سیان
یاریزانی باسکه بوونه له‌کاتی سه‌فه‌رکردنیاندا بۆ ده‌ره‌وه‌ی هه‌رێم تووشی ئه‌م
په‌تایه بوونه و به‌ڵام ئێستا ته‌ندروستیان زۆر باشه. شایه‌نی باسه د. خالص داوای له که‌ناڵه‌کانی
راگه‌یاندن کرد که ڕۆڵی کاریگه‌ریان هه‌بێت له هۆشیارکردنه‌وه‌ی خه‌ڵک. |
|
|
پزیشک بۆ هه‌مووان www.pzishk.com مافی له‌به‌ر گرتنه‌وه‌ی پارێزراوه 2009©
